3rd District Rep. Cherry Umali, ikinakasa na para sa 2016 Gubernatorial Race

Kasabihan ng matatanda, 'daig ng maagap ang masipag.' Ito ang lumutang na balita na ikinakasa na ang kandidatura ni 3rd district Congresswoman Czarina 'Cherry' Domingo-Umali na siyang ihahalili kay 3-termer incumbent NE Gov. Oyie Umali matapos i-anunsiyo ng mga taga-Kapitolyo bilang 'clan's standard bearer' ng partido-Liberal sa 2016 gubernatorial race.

Ayon kay NE Gov. Umali, si incumbent NE Vice Gov. Jose Gay Padiernos pa rin ang running mate ng lady solon kung saan ay tiniyak na magkasamang muli ang tambalang Umali-Padiernos.

Sinabi pa ng mataas na pinuno ng pamahalaang panlalawigan na napapanahon na ang pagsibol ng mga kababaihan sa pag-imbulog sa larangan ng pulitika sa bansa maging sa international, national, at sa local political arenas.

Inihalimbawa ni Umali si Chancellor Angela Merkel na kinonsiderang pinaka-powerful na babaeng lider na namuno ar nahalal na dalawang beses sa Germany noong 2008 sapul nang magkaroon ng krisis sa pinansiyal.

Si Habiba Sarabi ng Afghanistan na naging kauna-unahang babaeng gubernador, gayundin si State Secretary Hilary Clinton.

Sa national scene, binanggit din ni Gov. Umali ang pagkapanalo sa pampanguluhan ni democracy Icon Cory Aquino at si Pangulong Gloria Macapagal Arroyo na sumikat din dahil sa women empowerment.

Maging sa Kamara de Representantes ay 79 ang mga lady solons na nanalo noong 2013 May elections at marami ang nanalong babaeng gubernador, mayor, vice mayor at konsehal ng lungsod at munisipyo.

Sa Nueva Ecija lamang, siyam ang mga kababaihang nanalong alkalde sa city at municipal na nagpapakita ng indikasyong nagbabadya ng 'women empowerment' na tulad nina Palayan City Mayor Adrianne Mae Cuevas; Maricel Natividad (Gapan City); Marivic Balena (San Jose City); Elizabeth Vargas (Aliaga;) Nerivi Santos-Martinez (Talavera;) Lovella Belmonte-Espiritu (Zaragoza;) Lorna Mae Vero (Llanera); Areli Grace Santos (Gen. Natividad); at Gloria Congco ng Cabiao.

Ang 41-anyos na Congresswoman ay nagtapos sa UST ng kursong BSC Accounting major at naglingkod bilang credit at collection supervisor sa Isla Communication, Inc., at naging junior audit supervisor ng Giant Eastern Shipping Lines bago pumalaot sa larangan ng pulitika.

Sa Kamara ay marami ding komiteng pinangungunahan at mga major committees noong 14th at 15th Congress hanggang sa maging miyembro ng special committee on welfare of children & special persons.

Ayon naman sa kampo ng Liberal Party sa probinsya, kung papalarin si Cherry, siya pa lang ang maitatalang kauna-unahang babaeng gubernador sa Nueva Ecija.

BIOMASS PLANT SA NE

CABANATUAN CITY -- Isang consortium ng Korean at Pilipino companies ang nagpahayag ng interest na mag-establish ng 'biomass co-generation power plants sa Nueva Ecija na may potensyal na makapag-generate ng 1,600 trabaho sa lalawigan.

Ayon kay NE Gov. Aurelio "Oyie" Matias Umali, tumaggap ng "Letter of Intent" (LOI) ang kanyang tanggapan mula sa Korean firm na Hankook B&P Co. Ltd. (HBPCL); Hankook B&Tec Ltd (HBTL.) Systems Plant Engineering Co. Ltd. (SPECL) at Kepco Engineering Co. Ltd. (KECC) na makipag-tie-up sa Phil Bio Agri Industry Corporation (PhilBaico) para magsagawa ng mga pag-aaral para sa biomass power plant at biomass collection project sa pakikipag-ugnayan sa lokal na pamahalaan at tanggapan ng Agrikultura o' DA.

Sa LOI na isinumite kay Gov. Umali ng kinatawan ng Consortium na pinangunahan ni Kepco project manager Lim Yong Ha, sinabi nito na nais nilang simulan ang biomass projects at biomass power plants sa Pilipinas particular sa Nueva Ecija, gamit ang biomass materials na gaya ng "rice hulls, rice straw, corn cobs, corn stovers bagasse at coconut tress at residue fuel.

Ang HBPCL at HBTL ay tanyag na mga kumpanya sa larangan ng paggawa ng 'power generation boilers, industrial boilers at power boiler system, samantalang ang SPECL ay isang global plant engineering company na may 120 engineers at technical experts.

Pinahintulutan ni Gov. Umali ang Korean consortium at PhilBaico na magsagawa ng 'feasibility study' para sa proyekto at inatasan na rin sina provincial agriculturist Serafin Santos at ENRO Engr. Wilfredo Pangilinan na uasiste sa pagreresearch.

Ayon naman kay provincial administrator Atty. Alejandro Abesamis, aabutinng dalawa hanggang tatlong buwan ang 'feasibility study' at ang pagtatayo ng power plant ay matatapos sa loob ng tatlong taon. Ang Korean at Pilipino consortium ang unang dayuhang grupo na nagkaroon ng interest sa biomass facilities sa probinsya na tinaguriang 'rice granary of the Philippines' dahil sa sagana sa "rice hulls" at iba pang agricultural waste na kakailanganin sa nasabing mga proyekto. (Manny Galvez)

Photo credit: www.energyspectrumindo.com

VACCINATION IS PREVENTION

PALAYAN CITY, Nueva Ecija -- "Vaccination is prevention," ito ang pahayag ni City Mayor Adrianne Mae Cuevas sa pagbubukas ng Palayan City Vaccine Clinic sa City Health Center noong Nobyembre 18 kasama ang mga Sangguniang Panglungsod at mga empleyado ng city hall. 
     Ang nasabing proyekto ay sa pakikipagtulungan ng Family Vaccine and Specialty Clinics (FVSC) sa pangunguna nina Chito San Agustin at Dr. Alberto Gabriel ng FVSC, na may 40 sangay sa buong bansa.
     "Mahalaga ng magkaroon ng ganitong klinika ang mga Palayanos upang mapaghandaan ang matagalang epekto ng mga bakuna kontra sa mabibigat na klase ng karamdaman," pagbibigay-diin ni Cuevas.
     Ayon kay San Agustin mga de-kalidad, mahahalaga at murang mga bakuna mula pre-natal, post natal at maging sa mga animal bites ang makukuha rito bukod sa libreng first 150 anti-flu vaccine.
     Isinaad ni Dr. Gabriel na nananatiling pangatlo ang Pilipinas sa buong mundo na may pinakamataas parin na rabies incidence, sa kabila ng pangakong maalis na ang problemang ito sa taoong 2020.
     Batay umano sa datos ng Animal Bite Treatment Centers ng Department of Health halos 90% ng mga rabid animals ay mga  bata dahil madalas makipaglaro sa mga alagang hayop. (Jojo Deguzman)
Photo Credit: TV48

Ayuda Tiniyak Para Sa Biktima Ng Bagyo

Bukod sa mga naibigay ng mga construction materials, may maaasahhan pa ring ayuda sa mga punla ang mga magsasakang Novo Ecijano na napinsala ng nakaraang bagyo.

Ito ang paniniyak ni Nueva Ecija Governor Aurelio Umali, lalo na sa mga magsasakang sakop umano ng programang 'Ani Mula sa Uhay (AMU)' dahil sakop ng Philippine Crop Insurance Corporation (PCIC) ang kanilang pananim.

Sinabi rin ng Gobernado na sinimulan ang AMU noong 2008 na sakop lang ang may 100 ektarya na tig-25 ektarya ang bawa't isa sa apat na distrito ng lalawigan.

Sagot ng AMU lahat ng gastusin ng magsasaka sa produksyon ng palay na babayaran sa panahon ng anihan na may konting interes.

Ang Nueva Ecija ay may 185,000 ektaryang sinasaka at 135,000 ektarya rito ay may patubig. Ayon kay Umali umabot na ngayon sa 2,000 mahigit ng nakapaloob sa programa at pangarap niya na bago matapos ang kanyang termino ay umabot sa 30,000 ektarya ang masasakop ng AMU.

7th Gatas ng Kalabaw Festival idinaos sa Gen. Natividad

Isinagawa kamakailan ng Gen. Natividad, Nueva Ecija ang ika-7 Gatas ng Kalabaw Festival.

Ayon kay Lady Mayor Areli Grace Santos, itinampok rito ang "Tagay Pugay" na seremonya ng sabay-sabay na pag-inom ng gatas ng kalabaw na nagpapakita ng sama-samang suporta upang tangkilikin ang produkto tungo sa isang malusog na pamayanan, maunlad na kabuhayan at masaganang pamumuhay kung saan ay nagkaroon din ng pamamahagi ng mga kaalaman sa paggagatas.

Sa kanyang lecturura, hinikayat ni Philippine Carabao Center (PCC) Operations chief Dr. Annabel Sarabia ang mga kalalawigan na mamuhunan sa paggagatas ng limang litro (5-liters) kada araw at ang kanilang 'lactation period' ay umaabot sa 300 araw. Sa kasalukuyan aniya ay mayroon ng 54 na kooperatiba ng magka-kalabaw sa probinsya.

Samantala, ng nagkaroon ng 'Diskuwento Caravan' ang DTI-NE kung saan nagbenta ang may 20 manufacturers ng tinapay, processed meat, detergents, cooking oil, vinegar, at mga produktong de-lata..

Global Warming at Climate Change Forum

Inaanyayahan ng Provincial Youth Development Council (PYDC) ang mga kabataang Nobo Esihano na makibahagi sa isasagawang Global Warming at Climate Change Forum sa ika 26 ng Nobyembre.

Sinabi ni PYDC head Billy Jay Guansing na layunin ng libreng forum, na idaraos sa Nueva Ecija Convention Center sa lungsod ng Palayan, na mabigyang kaalaman ang mga kabataan upang sila ay maging handa sa mga pagbabago ng panahon.

Naka-angla sa temang "Ikaw, Ako, Tayo: Kabataang Handa sa Klimang Nagbabago", tatalakayin dito ang tunay na estado at kahalagahan ng kalikasan, mga tungkulin at responsibilidad ng isang kabataan sa mga nagaganap na sakuna.

Ibabahagi rin ng ilang tagapagsalita ang iba't ibang karanasan o suliranin sa pagbabago ng panahon.

Kabilang sa mga magbibigay ng lecture sina Laguna Lake Development Authorith General Manager, Nereus Acosta, dating Senador Richard Gordon, Environment and Natural Resources Undersecretary for Field Operations Demetrio Ignacio, at National Youth Commission Executive Director Shierwin Taay.

ang aktibidad ay kaalisabay ng paggunita ng Global Warming ang Climate Change Consciousness Week mula ika-25 hanggang ika-29 ng Nobyembre.

Inaabisuhan ang mga interesado na sumadya lamang sa tanggapan ng PYDC sa 2nd Floor, Old Capitol Building o kaya naman ay tumawag sa numerong 09174202492 o 09175951745. (CLJD/CCN-PIA 3)

Mga Bagong Halal na Barangay Opisyal Nanumpa Na.

Nunumpa na kamakailan ang mga bagong halal na kapitan at kagawad ng mga barangay sa ikatlong distrito ng Nueva Ecija.

Ito ay dinaluhan nina3rd District Representative Czarina Umali at Gobernador Arelio Umali.

Sinabi ni Congresswoman Umali sa mga opisyal na dapat tumbasan nila ang suporta't tiwalang ibinigay ng taumbayan ng katapatan at pagpapahalaga sa kanilang kapakanan.

Samantala, nagpaalala naman si Gobernador Umali na huwag tapusin ang ibinigay na katungkulan sa isinagawang panunumpa bagkus ay bigyan ng tama at karapatdapat na paglilingkod ang mga nasasakupan.

Marami aniyang proyektong iginagayak ang pamahalaang panlalawigan sa mga brangay gaya na lamang ng mga aktibidad na naglalayong palawakin ang paghahanda sa panahon ng kalamidad.

Isa sa pagtutuunan din ng pansin ang pagbuo ng lidirato ng mga kapitan at kagawad upang mas matutukan ang pagpapalawig ng mga programang pambarangay. CAMILLE C. NAGAÑO

Pagbili ng Generator Set, Prayoridad ng mga Lokal na Pamahalaan sa NE

Prayoridad ngayon ng mga pinuno ng lokal na pamahalaan sa Nueva Ecija na naging sentro ng bagyong 'Santi' ang makapagpundar ng 'generator set' sa bawa't brangay at sa mga himpilan ng pulisya.

Ito ang minamadaling maipundar sa mga bayang pininsala ng baagyong 'Santi' at walang pag-asang mapanumbalik ang serbisyo ng kuryente bago sumapit ang 2013 Barangay Elections sa araw ng Lunes, Oktubre 28. Kamakalawa lamang ay pinaagkalooban ni P/Sr. Supt. Crizaldo O. Nieves, Nueva Ecija Police Director, ang mga himpilan ng pulisya mula sa 27 munisipalidad at limang lungsod na wala pang kuryente.

Nagkaloob ng generator set si City Mayor Adrianne Mae Cuevas ng Palayan City sa malalayong barangay na matatagalan pang maisaayos ang kanilang mga linya na sakop ng Nueva Ecija Electric Cooperative II (NEECO-II, Area II.)

Noong Lunes ay hiniling naman ni Jaen Municipal Mayor Santiago 'Santi' Austria sa Sangguniang Bayan na kaagad ipasa at pagtibayan ang isang Resolusyon para sa 're-alignment' ng P5000,000.00 mula sa kanilang special fund upang maipambili ng generator set sa bawa't isa sa 27 barangay ng bayan at isa para sa munisipyo. - CAMILLE C. NAGAÑO

NE suffers P2.3-B damage due to Santi --PDRRMC

The province of Nueva Ecija, considered the country's rice granary, lost a total of P2.3 billion worth of crops, infrastructure and flood control systems in the wake of typhoon Santi with the damage expected to breach the P3-billion mark because of the devastation on properties.

In a final damage assessment report by the Provincial Disaster Risk Reduction and Management Council, a copy of which was obtained by The Star Friday, the total damage was placed at P2,388,900,715.34.

Dr Abraham Pascua, PDRRMC co-chairman, said the figure was arrived at after validating the field reports submitted by local government units in the five cities and 27 municipalities in the province. "This damage assessment report is final, official and validated," Pascua said.

The figure was considerably lower than estimates based on initial ocular inspection. Earlier, Gov. Aurelio Umali, PDRRMC chairman, said initial assessment placed the damaged at P2.7 billion.

But disaster officials said the actual damaged could shoot up to P3 billion if damaged to properties would be included as 75,914 houses were damaged in the entire province, which has been declared a calamity area.

Pascua said they could not possibly quantify yet the damaged on properties. Based on PDRRMC figures, the fourth congressional district comprising Gapan City and the towns of Cabiao, Gen. Tinio, Jaen, Penaranda, San Antonio, San Isidro, and San Leonardo accounts for the biggest crop damage of P741.8 million representing 33 percent of the province-wide total.

This was followed by the third congressional district covering the cities of Cabanatuan and Palayan and the towns of Bongabon, Gabaldon, Gen Natividad, Laur and Sta Rosa which suffered P549.57 million in crop damage and the first congressional district (Aliaga, Cuyapo, Guimba, Licab, Nampicuan, Quezon, Sto Domingo, Talavera and Zaragoza) which sustained P549.52 million in crop damage.

The second congressional district (Muñoz Cci. City, San Jose City, Carranglan, Llanera, Lupao, Pantabangan, Rizal and Talugtog registered the lowest crop damage at P385 million.

Crops cover rice, corn, vegetables, high-value crops and livestock. In term of rice, the province lost P1.9 billion, P3.7 million worth of corn, P141.2 million worth of vegetables, P160.9 million worth of high-value crops and P241 million worth of livestock.

Two cities and four towns lost at least P100 million worth of palay each. Cabanatuan was the hardest hit, losing P149.3 million worth of palay, followed by Sta Rosa (P129.4 million,) Guimba ((128.5 million,) San Antonio (P127.6 million), Gapan City (P109.8 million), and Cabiao (P102.7 million.)

In terms of infrastructure, damage was placed at P162.9 million involving P134.6 million worth of road networks and P28.3 million in flood control systems. Of the road networks, P84 million (68%) involve municipal roads and P50.5 million (38%) involve provincial roads.

Pascua said of the 75,914 damaged houses, some 15,930 were totally damaged while 59,984 partially damaged. This affected 111,915 families or 513,159 persons.

Jaen recorded the most number of damaged houses with 11,649 followed by Cabanatuan (8,656) and Zaragoza (8,371.)

Cabanatuan registered the most number of affected families with 32,897 or 161,896 persons followed by Aliaga (13,165 families or 72,324 persons,) and Zaragoza (10,689 families of 28,087 persons.) The provincial government has been distributing roofing sheets to the affected families.

CLSU Graduate, Topnotcher sa 2013 Veterinary Exam ng PRC

Nagbubunyi ngayon ang mga opisyales, kawani, professors at mga estudyante ng Central Luzon State University (CLSU) para sa idinulot na karangalan sa unbersidad ng isa sa mga nagtapos ng pag-aaral sa kursong Beterenaryo makaraang kumuha ng pagsusulit na ibinigay ng tanggapan 'Professional Regulation Commission' (PRC) kamakailan. Ayon kay CLSU President Ruben Sevilleja, wala silang paglagyan ng kasiyahan dahil sa hindi sukat akalain na mangunguna ang CLSU sa eksaminasyong ibinigay ng PRC kamakailan nang maguna at masungkit ng unibersidad ang pagiging 'topnotcher' ni Fekins Miguel Macabitas na may grading 88.20% na sinundan ni Gian Ato Dizon na may markang 85.86%.

Sa record ng PRC, may kabuuang 611 ang mga rehistradong examaninees, subali't may 242 lamang ang nakasulit sa naturang exam kung saan ay pumangatlo si Meriam Bacunata Cautiver ng UP-Los Baños, 85.32%.

Sa Facebook page ni Macabitas, nagpaabot siya ng taus-pusong pasasalamat sa mga taong sumuporta sa kanya kabilang na ang buong pamilya. Ang Board Of Veterinary Medicine ay pinangungunahan nina Maria Elizabeth Collanta, Mariano Jovellanosa at Maximao Montenegro, mga miyembro.

DILG Nueva Ecija, 22 Anibersaryo ng Local Government Code

Nagsagawa ng Caravan for Good Governance ang Department of Unterior and Local Government (DILG) noong, ika-8 ng Oktubre, bilang bahagi ng selebasyon ng ika-22 anibersaryo ng pagkakapasa ng Local Government Code.

Ayon kay DILG Provincial Director Abraham Pascua, matitipon-tipon ang mga lokal na opisyal at residenteng nais dumalo mula sa bawat munisipyo't lungsod ng lalawigan at sabay sabay na tumungo sa Freedom Park sa lungsod ng Cabanatuan dakong ala-sais y medya ng umaga.

Ang mga taga unang distrito ay magkikitakita sa Baloc, Sto. Domingo; ang mga nasa ikalawang distrito naman ay sa bayan ng Rizal; ikatlong distrito sa lungsod ng Palayan; at ang mga taga ikaapat na distrito ay sa lungsod ng Gapan.  Binuksan ang programa ng isang misa na sinundan ng mensahe mula kay Gebernador Aurelio Umali.