Plebisito para maging 'highly urbanized city' ang Cabanatuan, pinigil ng SC

Pinigil ng Korte Suprema ang una nang itinakdang plebisito sa Cabanutan City, Nueva Ecija na dapat sana'y gaganapin sa Enero 25. 

Ang desisyong ito ng Supreme Court en banc ay alinsunod sa petisyon ni Gov. Aurelio Umali laban sa plebisito para ideklarang highly urbanized city ang Cabanatuan mula sa kasalukuyang estado bilang component city. 

Nais ni Umali na palahukin sa plebisito ang lahat ng rehistradong botante sa lalawigan ng Nueva Ecija, imbes na iyong mga taga-Cabanatuan lang. 

Katwiran ni Umali, apektado ang lahat ng Novo Ecijanos kapag tuluyan nang naging highly urbanized city ang Cabanatuan. 

Pero sa ilalim ng Comelec Resolution 1353, tanging mga rehistradong botante lang ng Cabanatuan ang pasasalihin sa naturang plebisito. 

Una nang itinakda ng Comelec ang plebisito noong Disyembre 1, 2012 ngunit pinigil ng Palayan Regional Trial Court hanggang sa abutan na ng 2013 midterm elections. 

Ito na ang ikalawang pagtatangka na gawing highly urbanized city ang lungsod. 
Report from Alex Calda, Radyo Patrol 43

Pulis sa Cabanatuan plebiscite, dinagdagan

CABANATUAN CITY – Para sa kaayusan, katahimikan at seguridad sa pagbobotohang conversion ng Cabanatuan mula sa pagiging component city para maging highly urbanized city (HUC) ng Nueva Ecija, 200 pulis ang idadagdag sa security force na itatalaga sa plebisito sa Enero 25, 2014.

Ayon kay Supt. Pedro D. Soliba, hepe ng Cabanatuan City Police, dadagdagan ang pulis upang matiyak ang ligtas at payapang pagdaraos ng plebisito sa 89 na barangay sa lungsod.

Sinabi pa ni Soliba na plano ring magbukas ng hanggang 10 checkpoint sa bawat strategic area, bukod pa sa magtatalaga ng karagdagang mga quick reaction team

Enero 16-17 Holiday sa Bayan ng San Antonio

Pinagtibay nitong Enero 8, 2014 ang isang ordinansa o Pambayang Kautusan ng Sangguniang Bayan ng San Antonio, Nueva Ecija na may bilang 001-2014 na nagsasaad na tuwing Enero 16-17 ay dekleradong walang pasok o pista opisyal upang bigyang pagkakataong maki-isa ang mga mamamayan sa nasabing bayan na ipagdiwang at gunitain ang kahalagahan ng pagmamahal sa bayang sinilangan at sa Patrong San Antonio Abad.

Ang kapasiyahan ay pinagtibay ng mga opisyal sa pangunguna ni Kgg. Jose "Kaka" Balagtas, Pangalawang Punong Bayan mga kagawad na sina Kgg. Adonis L. Balagtas, Angelyn L. Reyes, Julito M. Galang, Jr., Polito S. Pamintuan, Oscar O. Ortiz, Raymundo G. Yabot, at Dominga Perla P. Cruz.

Ang okasyan ay katatampukan ng iba't ibang gawain gaya ng Bb. San Antonio, Tambo Festival, Free Concert, Fun Run, Little San Antonio, Worship Concert, Street Dancing & Pet Parade, Barangay Night, Singing Contest at Misa araw-araw.

Today In History

Today in History
January 7
The deportation of leaders of the Revolution to Guam

On January 7, 1901, Major General Arthur MacArthur Jr. ordered the deportation to the island of Guam a number of politicians and leaders of the Revolution led by Filipino hero Apolinario Mabini.
Mabini, the "Brains of the Revolution" who served as chief adviser of General Emilio Aguinaldo, was exiled for aiding and supporting the guerrilla war against the Americans and the cause of the Philippine Independence.
He wrote the True Decalogue when Filipino-American war broke out which inspired the Filipinos to fight and die for freedom.
Mabini and 31 others sailed for Guam on January 16 among them were Pablo Ocampo, Julian Gerona, General Artemio Ricarte, Maximino Hizon, Pio del Pilar and Mariano Llanera.
On January 26, in a telegram to Washington, MacArthur said: "Mabini-deported: a most active agitator. persistently and defiantly refusing amnesty and maintaining correspondence with insurgents in the field while living in Manila, Luzon under protection of the United States; also for offensive statement in regard to recent proclamation enforcing the laws of war. His deportation absolutely essential.

Regulasyon sa Philippine Egg Industry, Hiling ng NE Solon

Isinusulong ngayon ni NE 1st District Representative Estrellita Suansing na ma-regulate ang pagbebenta at distribusyon ng mga locally produced eggs sa pamamagitan ng isang 'regulatory body' sa ilalim ng Department of Health (DOH at Food and Drug Administration (FDA).

Inihain na ni Suansing sa Mababang Kapulungan ang kanyang House Bill 3363 na naglalayon na magkaroon ng 'grading, packaging, marking, inspection at expiration of eggs para sa domestic at internation market. Sinabi ni Suansing na kailangan ang HB 3363 dahil sa walang provision sa egg regulation sa ilalim ng RA 9711 o FDA Act at RA 7394 ng Consumer Act of the Philippines.

Ayon pa sa mambabatas sa ilalim ng naturang Bill, ang itlog ay kailangan may klasipikasyon na gaya ng "Phil A, Phil B, Phil C, at Phil Premium makaraang pumasa sa inspeksiyon at quality control. Ang mga itlog ay ikaklasipika na 'good quality at walang 'foul odor' o dili kaya'y hindi na incubator at lalong hindi kontiminado.

Idinagdag pa nito na ang expiration dates ay dapat nakalagay mismo sa bawat kahon, tray o container ng itlog at based on 3-5 weeks shelf-life period. Sinumang empleado o opisyal na mapapatunayang may mga paglabag sa kautusang ito ay maaaring mapatawan ng parusang anim na buwang pagkabilanggo at mulatang di-hihigit sa P20,000.00.

SCUAA III Sports Olympics, sa NEUST

 

Central Luzon State University delegation.

Magtatagisan muli ang 13 unibersidad at kolehiyo sa Central Luzon upang paglabanan ang kampeonato sa iba't ibang larangan ng palakasan sa gagawing State Colleges & Universities Athletic Association (SCUAA) III Sports Olympics.

Ang pagbubukas ng olimpyada ay sa ika-5 ng Enero araw ng Linggo sa pamamagitan ng parada mula sa Nueva Ecija University of Science and Technology (NEUST) Gen. Tinio hanggang sa NEUST Main sa Sumacab, Lunsod ng Cabanatuan.  Ito ay pinangunahan ni House Committee on Higher and Technical Education chairman Roman T. Romulo.

Ang palaro ay magtatagal hanggang sa ika-10 ng Enero 2014 kung saan ang mga participating university & colleges ay kinabibilangan ng Ramon Magsaysay Technological University (RMTU); Don Honorio Ventura Technological State University (DHVTSU); Pampanga Agricultural College (PAC); Aurora State College of Technology (ASCOT); Bulacan Agricultural State College (BASC); Philippine State College of Aeronautics (PhilSCA); Bulacan State University; (BSU); Bataan Peninsula State University (BPSU); Tarlac College of Agriculture (TCA); Central Luzon State University (CLSU); Tarlac State University (TSU); Philippine Merchant Marine Academy (PMMA) at Nueva Ecija University of Science & Technology (NEUST).

May paligsahan din para sa Swimwear, Regional Costume compitition at Mr. & Miss SCUAA III 2014' complition at turn-over ng SCUAA banner.

Tampol din sa okasyong ito ang panauhing pandangal na sina NE Governor Aurelio M. Umali at City Mayor Julius Cesar V. Vergara at iba pang mataas na opisyal ng bawat probinsiya sa Rehiyon.

Photo Credit:  https://www.facebook.com/photo.php?fbid=797845163574768&set=pb.163894370303187.-2207520000.1390047815.&type=3&theater

3rd District Rep. Cherry Umali, ikinakasa na para sa 2016 Gubernatorial Race

Kasabihan ng matatanda, 'daig ng maagap ang masipag.' Ito ang lumutang na balita na ikinakasa na ang kandidatura ni 3rd district Congresswoman Czarina 'Cherry' Domingo-Umali na siyang ihahalili kay 3-termer incumbent NE Gov. Oyie Umali matapos i-anunsiyo ng mga taga-Kapitolyo bilang 'clan's standard bearer' ng partido-Liberal sa 2016 gubernatorial race.

Ayon kay NE Gov. Umali, si incumbent NE Vice Gov. Jose Gay Padiernos pa rin ang running mate ng lady solon kung saan ay tiniyak na magkasamang muli ang tambalang Umali-Padiernos.

Sinabi pa ng mataas na pinuno ng pamahalaang panlalawigan na napapanahon na ang pagsibol ng mga kababaihan sa pag-imbulog sa larangan ng pulitika sa bansa maging sa international, national, at sa local political arenas.

Inihalimbawa ni Umali si Chancellor Angela Merkel na kinonsiderang pinaka-powerful na babaeng lider na namuno ar nahalal na dalawang beses sa Germany noong 2008 sapul nang magkaroon ng krisis sa pinansiyal.

Si Habiba Sarabi ng Afghanistan na naging kauna-unahang babaeng gubernador, gayundin si State Secretary Hilary Clinton.

Sa national scene, binanggit din ni Gov. Umali ang pagkapanalo sa pampanguluhan ni democracy Icon Cory Aquino at si Pangulong Gloria Macapagal Arroyo na sumikat din dahil sa women empowerment.

Maging sa Kamara de Representantes ay 79 ang mga lady solons na nanalo noong 2013 May elections at marami ang nanalong babaeng gubernador, mayor, vice mayor at konsehal ng lungsod at munisipyo.

Sa Nueva Ecija lamang, siyam ang mga kababaihang nanalong alkalde sa city at municipal na nagpapakita ng indikasyong nagbabadya ng 'women empowerment' na tulad nina Palayan City Mayor Adrianne Mae Cuevas; Maricel Natividad (Gapan City); Marivic Balena (San Jose City); Elizabeth Vargas (Aliaga;) Nerivi Santos-Martinez (Talavera;) Lovella Belmonte-Espiritu (Zaragoza;) Lorna Mae Vero (Llanera); Areli Grace Santos (Gen. Natividad); at Gloria Congco ng Cabiao.

Ang 41-anyos na Congresswoman ay nagtapos sa UST ng kursong BSC Accounting major at naglingkod bilang credit at collection supervisor sa Isla Communication, Inc., at naging junior audit supervisor ng Giant Eastern Shipping Lines bago pumalaot sa larangan ng pulitika.

Sa Kamara ay marami ding komiteng pinangungunahan at mga major committees noong 14th at 15th Congress hanggang sa maging miyembro ng special committee on welfare of children & special persons.

Ayon naman sa kampo ng Liberal Party sa probinsya, kung papalarin si Cherry, siya pa lang ang maitatalang kauna-unahang babaeng gubernador sa Nueva Ecija.